Neyttu réttar þíns!

Þarftu að leita réttar þíns sem neytandi? Farðu þá á www.neytandi.is og leitaðu - með aðstoð Leiðakerfis neytenda á vegum talsmanns neytenda - upplýsinga um rétt þinn.  Þar geturðu leitað réttar þíns - annað hvort hjá seljanda vöru eða þjónustu eða, ef hann bregst ekki (rétt) við, hjá viðeigandi úrskurðaraðila.

Athugasemdir

[Helgi Már Bjarnason, 26.3.2008 kl. 22:30]

Þetta er gott og blessað.  Hinsvegar verður að fara að koma með meiri fanatík í umræðuna.  Af hverju tökum við ekki Frakka til fyrirmyndar sem hefja alltaf Bastillubyltinguna á ný þegar á þeim er brotið.  Við Íslendingar gerum aldrei neitt til þess að ráðast gegn þeim sem eru að okra og níðast á okkur.

Vísa í grein mína frá því í fyrra um Neytendaandóf.  Sú staðreynd að Baugur á alla fjölmiðlana er til þess að öll neikvæð umræða um þá er drepin niður eða hreinlega á sér ekki stað.  Aðrir fjölmiðlar sem reiða sig á auglýsingatekjur þora ekki að hreyfa sig.  Hvað er þá til ráðs.... auðvitað við sjálf og internetið. 

Af hverju er ekki löngu komin sterk vefsíða sem hreinlega hvetur til andófs gegn þeim sem eru að okra á okkur.  T.d. þegar matarskatturinn kom átti að taka alla þá aðila sem tóku ekki þátt í því að lækka verð og lista þá skilmerkilega upp á "hit lista" og hvetja til þess að það yrði ekki verslað þar fyrr en lækkun ætti sér stað.   Nú ætti t.d. að ráðast með fullum þunga á 10-11 fyrir glæpsamlegt okur.... hvernig heldur að þeir myndu bregðast við ef það næðist múgæsingsleg samstaða um það að versla ekki af þeim fyrr en þeir lækkuðu verð um 15 % .  Síðan yrði beðið eftir opinberri yfirlýsingu og afsökunarbeiðni frá 10-11.  Svona yrði haldið áfram af fullri hörrku. 

Hvað segið þið um þetta ?  Hvernig er þetta framkvæmlegt haldið þið og hvaða öfl í þjóðfélaginu ættu að "fronta" þetta  

[Gísli Tryggvason, 26.3.2008 kl. 22:54]

Sæll Helgi Már.

Mér er nær að halda að hefðin hjá okkur sé hægur framgangur (ef nokkur) meðan löng og rík hefð er hjá Frökkum fyrir byltingum; sjálfur forsetinn var kosinn út á að koma á hálfgerðri byltingu (fr. rupture).

Slíkum beinum aðgerðum geta hagsmunasamtök auðvitað staðið fyrir eða aðrir sem hafa lýðræðislegt umboð en embættismaður eins og ég síður; gaman væri þó að fá tengil á þessa grein. Við sáum það fyrir rúmu ári að neytendavitund jókst við grun um að hækkanir myndu ekki skila sér til neytenda og þegar það gerðist í raun. Sjá hér eitt innlegg mitt í þá umræðu fyrir rúmu ári. Þá hafa Neytendasamtökin beitt sér, svo og ASÍ sem á að mínu mati helst þátt í stöðvun verðbólguöldunnar um 1990 og stóð eitt í að halda henni í skefjum í kringum 2000 með "rauðu strikunum."

Leiðakerfi neytenda er ætlað að upplýsa um gildandi rétt og hjálpa neytendum að ná honum en þú ert að tala um leiðir til þess að breyta ástandinu - sem er líka mikilvægt. GT