Meðbyr með rétti neytenda til þess að afþakka fjölpóst

Frábært að eiga bandakonu í Stjórnarráðinu; miðað við stuðning umhverfisráðherra og undirtektir við umfjöllun mína um fjölpóst og fríblöð, m.a. á vefsíðu talsmanns neytenda, og viðbrögð við þessari frétt hér á blogginu er ég ekki í vafa um að viðunandi lausn fæst; aðeins er spurning um hvort löggjöf þarf til eða hvort samkomulag næst við þá sem dreifa fjölpósti og fríblöðum en lesa má um þær tilraunir hér og strand þeirra hér. Er e.t.v. rétt að endurtaka óformlegar skoðanakannanir hér um málið?

Hægt verði að hafna fjölpósti

Athugasemdir

[Guðrún Þóra Hjaltadóttir, 8.5.2008 kl. 22:24]

Það léttir svei mér á manni þegar allar þessar auglýsingar hætta að koma inn um lúguna. Ég fékk mér bláa tunnu og fer með bæklingana alla ólesna út í tunnuna.

Þetta er líka þvílíkt bruðl á trjám. Ég veit ekki til að ég hafi misst af neinu þó ég lesi þessa bæklinga aldrei.

[Gísli Tryggvason, 8.5.2008 kl. 22:32]

Einmitt; aðalmálið er að tryggja virkt valfrelsi neytenda.

[Haraldur Bjarnason, 8.5.2008 kl. 23:23]

Ég skil ekki þessi vandræði með þennan ómerkta póst. Ég tel mig eiga minn póstkassa og því á að vera nóg að merkja hann með skilaboðum um að þangað fari eingöngu póstur merktur mér. Ég hlýt því að geta krafist þess að þeir sem setja ómerktan póst þangað, taki hann aftur. - Er ekki annars eignarrétturinn einhvers virði? - Ekki getur hver sem er farið inn í mína íbúð eða minn bíl án leyfis.