Um stjórnarskipti og áfanga í neytendamálum

Nú þegar stjórnarskipti eru nýorðin vestra og verða væntanlega hérlendis í kringum helgina er gaman að sjá hvað Obama Bandaríkjaforseti er skjótráður; aðeins 10 dögum eftir embættistöku hefur hann fengið samþykktan á þinginu efnahagspakka og hefur forsetinn þingið þó ekki "í vasanum. " Það kemur neytendum - jafnvel um allan heim - vel.

 

Um miðja vikuna var ég í viðtali í morgunútvarpi Rásar 2 þar sem fjallað var um neytendamál - bæði það sem áunnist hefði í tíð fráfarandi stjórnar - t.d. innheimtulög sem tóku gildi um sl. áramót - og þau verkefni sem væntanleg minnihlutastjórn Jóhönnu Sigurðardóttur stæði frammi fyrir í neytendamálum - t.d. lög um greiðsluaðlögun, sem vill svo vel til að er gamalt baráttumál Jóhönnu. Slík lög hafa verið í gildi í hinum norrænu ríkjunum í 15-25 ár og voru löngu tímabær - jafnvel fyrir kreppu þegar drög að slíku frumvarpi litu dagsins ljós í viðskiptaráðuneytinu síðsumars.

 

Um þetta má lesa nánar á vefsíðu talsmanns neytenda: www.talsmadur.is.

 

Einnig er í viðtalinu sagt frá nýjum leiðbeiningum okkar umboðsmanns barna um aukna neytendavernd barna, eftirlit með verðmerkingum, ESB, aukið aðhald fjölmiðla með fyrirtækjum o.fl. brýn neytendamál.

Efnahagspakkinn samþykktur

Athugasemdir

[Hólmfríður Bjarnadóttir, 31.1.2009 kl. 04:54]

Obama er vel skipulagður, hugrakkur, víðsýnn og réttlátur. Mikið hefur heimurinn beðið lengi eftir svona leitoga í Hvíta húsið. Nú er sú bið á enda og það er vel. Gott að þú metur hans verk til hagsbóta fyrir neytendur um allan heim. Ekki veitir af. Áfram Obama