Festing gengis myntkörfulána og verðtrygging

Hér er enn eitt raunhæfa dæmið um harðan skell íbúðarlána í erlendri mynt gagnvart ungu fjölskyldufólki. Sjá hér nýjustu fréttina af þessu á vefsíðu talsmanns neytenda og viðtal við mig hér á rás 1 hjá RÚV í morgun þar sem ég rek m.a. að sum sjónarmið að baki ósk um viðræður við félagsmálaráðherra um festingu gengis myntkörfulána - fast eða varanlega - eins og nánar er útfært hér af Marinó G. Njálssyni á bloggsíðu hans.

 

Í jafnræðisskyni þarf svo að gera eitthvað við svonefndri verðtryggingu neytendalána eins og ég hef lengi bent á og Marinó rökstyður og útfærir hér. 

Afborgunin fór úr 107 í 198 þúsund á mánuði

Athugasemdir

[Lísa Margrét Kristjánsdóttir (IP-tala skráð) 10.10.2008 kl. 11:15]

Í allri þessari umræðu um hækkun á gengislánum gleymist að taka það fram, að þegar fólk er búið að borga upp lánið þá hefur það greitt mun lægri upphæð en ef það hefði verið með lán í íslenskum krónum. Hvers vegna eru dæmin aldrei sett þannig upp, heldur er bara hamrað á því hvað afborgunin hefur hækkað. Íslensku lánin eru líka að hækka. Hvernig væri að sýna dæmið eins og það lítur út þegar búið er að gera það upp?

[Karma (IP-tala skráð) 10.10.2008 kl. 15:20]

Lísa: Ef krónan heldur áfram að veikjast og er orðinn fjórðungur af því sem hún var eru erlend lán búin að fjórfaldast (og greiðslubyrðin líka).

Afborgunin hefur ekki bara hækkað heldu höfuðstóllinn líka. Fólk mun þá hafa borgað miklu meira af lánunum en ef það hefði verið með íslensk lá, þ.e. ef fólk nærð þá að borga lánið upp en verður ekki bara gjaldþrota

[Þórarinn Þ Gíslason (IP-tala skráð) 13.10.2008 kl. 02:29]

Sæll Gísli.

Þetta eru alltof ÚTÚR heiminum TÖLUR. Ég get aldrei skilið þær reikningskúnstir sem liggja til grundvallar, eða eru þær bara til að verna lánandan ?

[Gísli Tryggvason, 13.10.2008 kl. 21:54]

Takk fyrir innleggin; það er einmitt ein röksemdin hjá mér - gegn verðtryggingu og kannski erlendum lánum - að tölurnar eru takmarkalausar - og eingöngu eða yfirleitt í aðra áttina. Góður punktur Björn; ég hafði ekki fattað þessa tengingu við frummanninn.