40 ár frá síðara Kennedy-morðinu

Kannski hef ég ekki lesið fjölmiðla nægilega vel í dag en ég hef ekkert séð um þá sögulegu staðreynd - sem Hillary Rodham Clinton varð nýlega á að minnast í óheppilegu sambandi á lokasprettinum - að í dag eru 40 ár síðan Robert Kennedy var skotinn. Ég sem hef hingað til minnst 5. júní helst fyrir að vera það næsta sem Danir komast þjóðhátíðardegi, Grundlovsdag.

 

Nú binda margir sambærilegar vonir við Obama og við Kennedy(ana) á sínum tíma.

Athugasemdir

[Georg P Sveinbjörnsson, 6.6.2008 kl. 13:15]

Ætli Obama verði ekki bara myrtur af CIA rétt eins og Kennedy bræður og finni einhvern vesaling til að nota sem blóraböggul.

[Kolbrún Stefánsdóttir, 6.6.2008 kl. 20:52]

Sæll. Það er hálfóhuggulegt að vera að velta því fyrir sér hvort einhver verður myrtur eða ekki en ég óttast að Obama kembi ekki hærurnar, svo mikið er víst. kveðja Kolla.

[Gísli Tryggvason, 6.6.2008 kl. 22:55]

Já Hillary Rodham Clinton - sem ég hef lengi stutt og dáðst að og lesið tvær ævisögur um - fór ekki vel út úr þessum ummælum (frekar en sumum öðrum) sem ég vísaði til og vil sjálfur ekki hugsa til þessa enda trúi ég því ekki að sagan endurtaki sig svona sjálfkrafa. Ég er mjög vongóður um að Obama gangi allt í haginn.