Á að leyfa ber brjóst í sundi? Óformleg skoðanakönnun

Nú þarf maður að fara að passa sig ef alvöru samkeppni verður á sundlaugarbakkanum; ég er reyndar nýkominn frá Danmörku - og missti af þessu, þó að ég hafi bæði verið með sundskýlu og fylgst nokkuð vel með fréttum! Að öllu gamni slepptu held ég að við Norðmenn séum ekki tilbúnir í þetta frjálslyndi á almennum sundstöðum á Íslandi eins og ég hef áður vikið að.

 

Danir hafa áður verið á "undan" öðrum Norðurlandabúum í ýmsu fleiru - sem ég nefni auðvitað ekki í sömu andrá og þetta frjálsræði - enda eru ber brjóst auðvitað ekki klám eins og hér var réttilega bent á. En hvað sem frjálslyndum bloggurum finnst um þetta - svona fræðilega - held ég enn að reglulegir sundgestir, neytendur almennt, séu íhaldssamari en svo að þeir séu hlynntir því að konur séu berar að ofan á almennum sundstöðum á Íslandi (utan sólarbekkja). Mér finnst líklegt að þetta eigi nokkuð jafnt við um konur og karla sem sækja sundstaði en erfitt er reyndar að sannreyna það.

 

Rétt er að prófa þessa kenningu með því að endurtaka óvísindalega tilraun með einfaldri skoðanakönnun hér til vinstri um þetta efni - sem stendur í tvo sólarhringa. Spurningin felur auðvitað í sér að bannað sé (áfram) að konur séu berar að ofan á almennum sundstöðum á Íslandi - en ég er ekki viss um að mikið hafi reynt á það (óformlega) bann hingað til.

Konur mega bera brjóstin í Kaupmannahöfn

Athugasemdir

[Jóna Kolbrún Garðarsdóttir, 26.4.2008 kl. 02:58]

Hvað með gamla karla í gömlum gegnsæjum sundskýlum, er ekki þörf á því að banna þá. Ég hef séð þá nokkra, þeir eru hérumbil berrassaðir í sundi  Annaðhvort eiga allir að vera í brjósthyljandi klæðnaði eða enginn

[Brynjar Jóhannsson, 26.4.2008 kl. 14:54]

Ég stið FEMINISTA HEILSHUGAR Í ÞESSU BRÍNA BARÁTTUMÁLI ÞEIRRA. og gef þeim öll mín 43 athvæði.

[Guðjón H Finnbogason, 26.4.2008 kl. 22:26]

Ég er á sama máli og Þrymur.Ég held að það yrði bara fjölgun fólks í laugunum ef þær fengju að vera á túttunum.