Er heimsendir í nánd?

Hef ég misst af einhverju? Ég hef að vísu - að vanda - reynt að fylgjast vel með fréttum - bæði innlendum og erlendum, sérstaklega undanfarið. Rétt í þessu heyrði ég hins vegar óvænt auglýsingu í sjónvarpinu í miðju Kastljósi um að við ættum að taka þátt og greiða einhverja Heimsenda-gíróseðla. Eru Seðlabankinn og önnur stjórnvöld ekki að standa sig? Hefur eitthvað gerst í bankamálum meðan ég skrapp í líkamsrækt? Eða er þetta einhver smitun frá rússneska sértrúarfólkinu í hellinum?

Athugasemdir

[Anna Guðný , 31.3.2008 kl. 21:39]

Þú meinar að Kastljósið sé kannski farið að senda okkur gíróseðla fyrir bankana? Missti af Kastljósinu þannig að ég veit ekki.

[Sæunn (IP-tala skráð) 31.3.2008 kl. 22:09]

Núh, heimsendir kostar eins og allt annað! Bankarnir leita því til almennings við fjármögnun hans, enda búið að skilja þá útundan í heims(enda)partíinu

[Ómar Ingi, 31.3.2008 kl. 22:53]

Eða kannski fór röng auglysing inn hjá þeim

[Anna Guðný , 31.3.2008 kl. 23:10]

Ég sé að ég verð að horfa á endursýningu í kvöld.

[Gísli Tryggvason, 31.3.2008 kl. 23:46]

Mig grunaði að ég ætti ekki að vera að grínast; það misskilst alltaf - eða skilst a.m.k. ekki; ég mun útskýra tilraun mína til þess að segja brandara eftir endursýningu Spaugstofunnar.

[Gísli Tryggvason, 1.4.2008 kl. 00:57]

Ég var bara að grínast með að góðgerðarstofnun auglýsti: Greiðið heim-senda gíróseðla!

[Anna Guðný , 1.4.2008 kl. 08:32]

Jú, endilega haltu áfram . Ég var ekki viss, svo ég ákvað að grínast líka með þetta. Við hljótum að "fatta" þig bráðum.

[Gullvagninn (IP-tala skráð) 1.4.2008 kl. 08:34]

Það er allavega alveg samkvæmt formúlunni, að ef heimsendi sé í nánd, þá þurfum við almenningur að fjármagna hann!

[Lára Hanna Einarsdóttir, 1.4.2008 kl. 11:36]

Það mætti nú stundum halda að heimsendir væri í nánd þegar maður fær heimsenda gíróseðla - og það í hverjum mánuði!

Gaman að svona orðaleikjum...