Mega auglýsingabæklingar vera innan í fríblöðum?

Nú birtist þriðja og væntanlega síðasta óformlega skoðanakönnunin um fjölpóst og fríblöð - hér til vinstri - og stendur hún í tvo sólarhringa. Í þeirri fyrstu varð niðurstaðan að 90% svarenda vildu, með almennum hætti, takmarka dreifingu fjölpósts til neytenda. Í annarri könnuninni kom fram að 81% vildi geta valið milli fjölpósts og fríblaða. Nú er spurt:

 

"Viltu geta afþakkað fjölpóst innan í fríblöðum?"

 

Taktu þátt og segðu þína skoðun.

Athugasemdir

[Marinó G. Njálsson, 15.5.2008 kl. 09:15]

Mér finnst vanta að skilgreina hvað telst fjölpóstur inni í fríblöðum.  Fríblöðin ein og sér eru fjölpóstur.  Þeim fylgir alls konar fjölpóstur, svo sem fjórblöðungar á glanspappír, fjórblöðungar sem prentaðir eru með fríblaðinu, fríblöð sem sett eru með fríblaðinu (sbr. Bændablaðið, blað háskólanema o.s.frv.) og síðan sérprentað efni á mörgum blaðsíðum (fleiri en fjórum), svo sem tímarit og bæklingar.  Ertu að tala um þetta allt eða bara fjórblöðunga á glanspappír? 

[Anna Karlsdóttir, 15.5.2008 kl. 12:33]

Sæll Gísli

 Ég hef adallega áhyggjur af bakheilsu bladburdarfólks ( fyrir utan audvitad sóunina á prentvökva og pappír). Mér skylst ad bladburdarfólki sé ekki bodin aukagreidsla fyrir mun thyngri bladabunka en venja væri fyrir. Thegar sonur minn bar út fréttabladid var thetta ad minnsta kosti svona.

[Halldóra Halldórsdóttir, 15.5.2008 kl. 16:02]

Ég vil geta valið um að fá EKKI fríblöð. Aðeins það sem ég gerist áskrifandi að.

[Anna Guðný , 15.5.2008 kl. 23:42]

Ég er að reyna að sjá fyrir mér blaðaburðarmanneskjuna með blöðin með bæklingum í annarri hendi og blöðin án  bæklinga í hinni. En hvar á þá að geyma listann yfir fólkið sem vill bæklingana og listann yfir fólkið sem vill ekki? Ok, kannski einn listi en aumingja manneskjuna vantar samt eina hendi til.

[Guðrún Þóra Hjaltadóttir, 16.5.2008 kl. 12:16]

Það er líka fjölpóstur stundum innan í greiddum dagblöðum.

[Gísli Hjálmar , 16.5.2008 kl. 20:52]

Það pirrar mig minna eftir að hægt er að skilja blöðin eftir í kassanum sem var settur upp til þess að bjóða valfrjálst hvort menn vildu Fréttablaðið eða ekki.

Það var gott framlag hjá þeim. 

[Gísli Tryggvason, 16.5.2008 kl. 20:53]

Sæl öll og takk fyrir þetta; var á námskeiði í sáttamiðlun og komst ekki fyrr í tölvu. Hér rek ég ítarlega lagasjónarmið um fríblöð og fjölpóst og mismunandi skilgreiningar. Þar greini ég fyrst og fremst á milli

• fríblaða og
• fjölpósts

en tilgreini fjórar aðrar tegundir óumbeðinna sendinga sem ég tek ekki á í viðleitni minni við að sporna gegn óheftri markaðssókn:

1. "Nafnáritaður póstur er borinn út á grundvelli laga.
2. Prentefni með stjórnmálaupplýsingum [...].
3. Blöð og tímarit eru borin út á grundvelli viðskiptasamninga um áskrift [...].
4. Opinberar tilkynningar, t.d. veitustofnana [...] um tímabundna lokun á viðkomandi svæði."

Sjá nánar hér.

 Lengra svarið hér ætti að svara Marinó - en í stuttu máli greini ég á milli ristýrðs efnis eins og hann nefnir dæmi um og auglýsingapósts "á glanspappír" eins og Marinó nefnir. 

 

Vinnuverndar- og umhverfisrökum Önnu hljóta margir að vera sammála. Á hinn bóginn geri ég ekki ráð fyrir að atvinnurekendur eða stjórnvöld haldi lista yfir málið - heldur að byggt verði á miðum sem neytendur geti nálgast og blaðburðarfólk skilið um hvað neytendur vilji eða vilji ekki.

 

Halldóra tekur undir kjarnaatriði í mínum málflutningi.

 

Guðrún Þóra víkur að mjög miklu álitamáli - þar sem fríblaðadreifendur telja jafnræði mikilvægt en ég hallast að því að markaðslögmáli virki, þ.e. ef áskriftarblað mitt fyllist af óþarfa auglýsingaefni - að mínu mati - þá segi ég því upp.

 

[Guðrún Emilía Guðnadóttir, 17.5.2008 kl. 08:49]

Ég les aldrei þessa auglýsingasnepla þoli ekki þennan átroðning.
fer að versla er ég þarf þess.
en hér hjá okkur á Húsavík þurfum við að sækja blöðin sjálf niður í búðirnar,
og sé ég iðulega BT bæklinginn liggja á gólfinu í haugum, fólk vill ekki þetta rusl með.

[Gísli Hjálmar , 17.5.2008 kl. 09:47]

Persónulega finnst mér vanta heilstæða umræðu um það tjón og þá skaðsemi sem prentaður fjölpóstur hefur á umhverfið.

Eins hverju er til kostað og ekki síst; hverju er verið að fórna þá í ljósi sjálfbærrar þróunar.

Auðvaldshyggjan á ekki að eiga greiðan aðgang að neytendum án ábyrgðar.

En með ábyrgð á ég við að þeir sem dreifa, og/eða gefa út, þennan svokallaðan fjölpósti sjái um kostnaðin sem hlýst af því að farga fjölpóstinum; en ekki láta það lenda á okkur neytendum sem í flestum tilfellum biðjum ekki um þennan fjölpóst.