Hæstiréttur skammar dómara en leyfir þeim að sleppa

Á mannamáli sýnist mér Hæstiréttur þarna vera að segja: Hæstiréttur getur ekki skipað þessum dómurum að dæma aftur í þessu máli þar sem lög kveða á um að dómstjóri úthluti málum og dómarar geti beðist undan því að dæma í máli - þó að þeir teljist ekki vanhæfir. Athyglisvert er að í því felst að um nýtt mál sé að ræða. Þannig staðfestir Hæstiréttur í raun niðurstöðu héraðsdóms um að sömu dómarar þurfi ekki að dæma aftur í málinu; Hæstiréttur fellst hins vegar ekki á þær röksemdir héraðsdóms að í  fyrri hæstaréttardómi felist þrýstingur, sem héraðsdómur fann - að mínu mati réttilega - fyrir, um að komast að gagnstæðri niðurstöðu í þessu nauðgunarmáli.

 

Hæstiréttur skammar héraðsdómarann hins vegar fyrir að kalla þann þrýsting stjórnarskrárbrot - og gefur til kynna að einfalt hefði verið að víkja sér undan því að dæma aftur í málinu án þess að úrskurða sig vanhæfan með þessum hætti.

 

Kjarni málsins er þó að kerfið er vandinn eins og rakið er hér af félaga mínum og hér af mér.

Dómarar fá ekki að víkja

Athugasemdir

[Ómar Ingi, 22.4.2008 kl. 21:25]

Tja hérna hér

[Guðbjörg Erlingsdóttir (IP-tala skráð) 22.4.2008 kl. 23:52]

Einmitt, einmitt! Hef verið að reyna að fá botn í þetta, verð eitt spurningamerki á svipinn og segi svo gáfulega: ég skil, ég skil því auðvitað líður mér eins og ég eigi að skilja þetta!

Því fer fjarri að svo sé og er ég nú svona þokkalega viti borin!

Hef reyndar aldrei skilið þetta mál, svo þar liggur kannski meinið.

Þetta er nú aldeilis eitthvað fyrir talsmann neytenda að skoða, þ.e. hvernig túlka megi dómsniðurstöður og annað sem kemur frá hæstarétti á mannamál.

kveðja

[Anna , 23.4.2008 kl. 04:11]

Er þetta ekki skrípaleikur hjá þeim. Hverning er hægt að taka dómara alvarlega þegar alvarleg mál eru afgreidd á slíkan hátt.

[Bumba, 23.4.2008 kl. 08:58]

Ótrúlega sérstök hegðun. Með beztu kveðju.