Svartsýni, nærsýni eða ellifjarsýni

Hvernig stendur á allri þessari svartsýni? Sjálfsagt er bara eitthvað að mér - og reyndar þurfti ég lengi vel að nota gleraugu - þar til ég fór nýlega í laser-aðgerð, bara á vinstra auga (ég vildi ekki sjá vel til hægri - nei, grín; augnlæknirinn ráðlagði þetta vegna væntanlegrar ellifjarsýni).

 

Mál mitt er að ég skil ekki hvers vegna svo margir bloggarar (sem ég rekst stundum á að lesa) nota svartan grunn, með hvítum stöfum. Kannski hefur það lagast með diskavandræðunum í byrjun vikunnar.

 

Einu sinni var sagt: ég las það svart á hvítu - en ég verð að viðurkenna að ég gefst yfirleitt upp á því að lesa hvítt á svörtu. Nema þetta sé eitthvað fyrir sjónskerta og jafnvel stillanlegt. Þá dreg ég í land.

Athugasemdir

[Jón Aðalsteinn Jónsson, 2.8.2008 kl. 14:24]

Sammála þér get ekki lesið þetta hreinlega bara lekur ur augunum á manni

[Árni Gunnarsson, 2.8.2008 kl. 19:36]

Þeir löguðu þetta á síðunni minni þegar ég bað um það.

[Sæmundur Bjarnason, 2.8.2008 kl. 20:32]

Alveg sammála þér með þetta svarthvíta dæmi. Ég einfaldlega les ekki blogg sem eru með svartan bakgrunn og hvíta stafi. Kannski eru fleiri sem hugsa svona. Bið fyrirfram afsökunar á því að líklega verður þetta komment afskaplega plássfrekt. Það er tölvunni að kenna.

[Kolbrún Stefánsdóttir, 2.8.2008 kl. 23:06]

Sæll. Alveg sammála þér með svartan grunn það er alveg ómögulegt. Ég fór líka í laser-augnaðgerð fyrir stuttu og er núna nærsýn á öðru en fjarsýn á hinu . Aldrei verið svartsýn og vona að það komi ekki með ellinni. Kveðja Kolla.